Eskerrik asko atzo eskola-bide seguruak aldarrikatzeko jardunaldian parte hartu zenuten guztioi!
Egun bikaina izan zen!
Parte hartzen ez zenutenoi hurrengo ekintzetan parte hartzera animatzen zaituztegu!
Zer irudituko litzaizueke bizibus/ibilibus bat hileko lehen ostiral guztietan? Zer ibilbide gustatuko litzaizueke? Idatzi iezaguzue gurebideak@abendanogurasoak.com helbidera!
Guk eskola-bide seguruak aldarrikatzen ditugu gure seme-alabak ikastolara autonomiaz eta segurtasunez joan daitezen. Atzo bi ekintza hauek egin genituen:
- Goizean IBILIbusa antolatu genuen denok batera eta jai-giroan ikastolara oinez joateko. Auzoko 4 tokitatik atera eta ikastolan elkartu ginen denok.
-
Arratsaldean, benetako semaforo batzuk apaindu eta bere tokian jarri genituen (izugarri politak geratu ziren!!!). Ekintza horrrekin ikastola aurrean dagoen BEIaren bidegurutzearen segurtasun eza nabarmendu eta hobekuntzak eskatu nahi genituen.
Zergatik?
-
- Bidegurutze hau arriskutsua da: autobusak 3 leku desberdinetatik datoz, eta horietako bat ikuspenik gabe bihurgune baten atzean dago.
- Ehunka haurrek zeharkatzen dute egunero.
- Bi tarte daude gurutzatzeko, eta haur batentzat erraza da nahastea oinezkoen semaforoa ez dela 2 tarteetan aplikatzen.
- Ezin dugu ulertu zergatik ezin den semaforo normal bat jarri; gurutzatzea SEGURUA dela adierazten duen semaforoa. Oraingoak gurutzatu ezina bakarrik adierazten du, baina egiaztatu dugu ez dela zehatza.
Atzoko ekintzak Bide seguruak – Gure bideak batzordeak antolatu zituen, CleanCitiesek antolatutako #Streetforkids deituriko ekimenarekin bat eginez.
Clean Cities Kanpaina 70 GKEk, ingurumen-elkarteek, oinarrizko mugimenduek eta gizarte zibileko erakundeek osatutako koalizio europarra da, eta 2030erako emisiorik gabeko hiri-mugikortasuna du helburu. Kanpainak mugikortasun aktiboaren, partekatuaren eta elektrikoaren alde egiten du, hiri-etorkizun bizigarriago eta iraunkorrago baterako, hirietako barne-errekuntzako ibilgailuak pixkanaka ezabatzea barne hartuta.